Pas përfundimit të takimit mes kryeministrit të Kosovës, Albin Kurti dhe presidentit të Serbisë, Aleksandër Vuçiq, përfaqësuesi i Lartë i BE-së për Politikë të Jashtme, Josep Borrell ka deklaruar para mediave se mbetet shqetësuese numri i vogël i votuesve në zgjedhjet e 23 prillit në katër komunat veriore të Kosovës.

Sipas Borrell, këto zgjedhje nuk ofrojnë zgjidhje afatgjate dhe mund të sjellin tensione të reja nëse palët nuk e zgjidhin këtë çështje,

“Pika e fundit që është më pak pozitive, ne diskutuam për situatën në terren. Kemi shprehur shqetësimin e thellë për situatën në veri me një pjesëmarrje të vogël në procesin e votimit. Këto zgjedhje nuk ofrojnë një zgjidhje afatgjate. Kjo nuk është çka ne dëshirojmë të kemi. Unë i kam inkurajuar palët që të gjejnë një zgjidhje që serbët të kthehen në pozicionet e tyre që i kanë braktisur. Liderët nuk mundën të arrijnë një marrëveshje sonte dhe jam i shqetësuar që mund të kemi kriza të reja”, deklaroi Borrell./Arbresh.info/

Lexo edhe:

Kjo është Deklarata për Personat e Zhdukur e dakorduar mes Kurtit dhe Vuçiqit